Tur 2, 2010

 Mens vi var på tur inviterte Siggi stasjonsbesetninga på båttur rundt øya. Dei såg mange kval på kloss hald. Vi var heldige og fekk invitasjon til "Kvalrossløpet". (eit tradisjonsrikt løp, 9 km langt) , så neste dag stilte vi med Beerenberg i beina. Det gikk bra, men sjølv erfarne løparar vart distraherte då rasande rødnebbterner og tjuvjoar angreip undervegs.
Opphaldet slutta med eit hyggeleg og interessant besøk på stasjonen. - Og så brukte vi heimturen til kvile.

Marit Figenschou har skreve artikkel om turen. Jan Mayen - reisen er slutt.

Tur 2, 2008.

Ettersom første tur var charter vart dette den første gaida turen til Beerenberg.

Turane var organisert som samarbeid mellom Borea Adventures og Eco Expeditions.

Seglturen frå Island tok oss 2.5 dagar. Vi hadde tenkt oss direkte til lesida av Beerenberg, men stasjonssjef Åge Leif Godø ba oss legge til i den tryggaste hamna, Kvalrossbukta og kjørte oss deretter til basecamp ved Gamlemetten. Det er litt lengre veg frå denne sida enn frå Eldste Metten på austsida, men leirplassen er verkeleg flott. Vi hadde berre ein dag med godt vêrvarsel, så då det var gløtt i skydekket neste ettermiddag starta vi. Vi gjekk i tåke til 1000 meter, og så braut vi gjennom. Resten av natta hadde vi vindstille og midnattsol til vi dukka ned i skyene igjen. Heile turen tok 16 timar og det var ein sliten men glad gjeng som kraup i telta neste formiddag.
Vi gjorde som gruppe 1 og gjekk til høgre i Bratthenget. Bak Nunataken kan det vere mykje sprekker. Der var det greitt, men lengre oppe var det meir enn sist. (Har ikkje gått denne ruta før)
Vi nådde Haakon VII toppen rundt klokka 03.

Klokka 11 på formiddag var alle nede. Vi sov utover dagen og hygga oss med leirbål på Bommen ved Nordlaguna om kvelden.

Neste dag ga ein fottur til lavagrottene i Schmelkdalen og vidare til Eldste Metten eit variert inntrykk av den spesielle naturen. Siste dag starta med sandstorm og då det byrja regne vart det surt. Vi gjekk likevel til stasjonsruinane i Maria Musch bukta og vidare til flyvraket på Danielsenkrateret. Avreisedagen var vi innom stasjonen før avreise til Island. Vi kom dit klokka 02 Laurdagsnatta og rakk ei kjapp feiring i Isafjordur.

Vi hadde også med to radioamatørar. Michael og Wojtec var svært nøgde med å sende frå eksotiske Jan Mayen, mens fjellet var uaktuelt.
Ivar, Arne, Ole Mats og eg fekk også med oss høgste fjellet på Island. Hvannadalshnúkur er 2119 meter, så med start på havnivå var det god opplading til Beerenberg.

Robert Fjellanger, Mike Wells, Arne Hagen, Johan Hustadnes, Ivar Helleberg. Jon Andersson,
Ole Mads Øvergaard og Wojtec Rossocacki. Wolfgang Schaub, Rùnar Karlsson, Sigurður Jónsson

Linkar til deltakarane sine sider

Gruppe 1

Morten Helgesen: Glittertind Forlag
Flotte fjellbøker og anna, mest frå Jotunheimen

Erik Aaseth: Fotogalleri
Galleri med høg kvalitet. Informasjon under kvart foto dokumenterer heile turen.

Arne Mæhlen: Tinderangling
Mildt sagt spenstig prosjekt. - Bestige alle norske 2000-metere med primærfaktor 10 meter i løpet av eit år!

Torgeir Eraker: Norske Fjelltopper Over 2000

Geir Åke Dahlen: Toppomania

Kjell Iver Klyve Kjell Ivers Fjellside

Gruppe 2

Wolfgang Schaub:  - Artikkel i Summitpost
Eventyrar med prosjekt å bestige høgaste fjell i alle europeiske regionar. Det gir mange interessante reisemål. Heimeside: Gipfel und grenzen

Michael Wells: Jan Mayen DXpedition
Radioamatør. Han og Wojtec hadde planlagt godt og oppnådde gode resultat med tusenvis av kontaktar over heile verda. Omfattande fotoarkiv.